Graduada en Bioloxía no 2019 pola Universidade de Santiago de Compostela e Máster en Enxeñería Ambiental no 2021 pola mesma universidade.
No ano 2021 comezou a súa carreira investigadora no Grupo de Estudos Ambientais Aplicados ao Patrimonio Natural e Cultural (GEMAP), onde está desenvolvendo a súa tese doutoral titulada «Desenvolvemento de protocolos de limpeza da colonización biolóxica perdurable para a súa aplicación en bens do Patrimonio Cultural».
Participou en varios congresos nacionais e internacionais, sendo galardoada co premio Patrizia B. Albertano ao mellor póster de investigadores novos no “European Conference on Biodeterioration of Stone Monuments” celebrado en Roma no ano 2022.
Ata a actualidade participou en diferentes proxectos, tanto relacionados coa súa investigación, como vinculados a tarefas de conservación de monumentos pétreos colaborando con conservadores e restauradores, prestando asistencia técnica a empresas e levando a cabo estudos sobre limpeza e conservación preventiva da roca que conforma o patrimonio.
